အခုတော့ ရူးသွားပြီ

ကျွန်တော်သည် နေ့စဉ်နှင့်အမျှ တတ်နိုင်သ၍ လက်လှမ်းမှီရာ စာအုပ်စာတမ်းများကို ရှာကြံဖတ်ခဲ့၏ ။ စာဖတ် ရခြင်း အကြောင်းအရင်းကို ပြောပြလိုသေး၏။ ကျွန်တော်သည်နေ့စဉ်နှင့် အမျှဆိုသလို တိုင်းပြည်ကိုခေါင်း ဆောင်လုပ်နေကြသူများ အဘယ့်ကြောင့်  ဤသို့ ဤပုံ အစိုးအသွမ်း ဖြစ်သွားကြသနည်း ဟုလည်း သိချင်စိတ် ဖြစ်၏ ။ ကောင်းရာကောင်းကြောင်း ပြုပြင်ပြောင်းလဲပေးလိုသော ဆန္ဒသည်လည်း ရှိပါ၏။ အကောင်းဆုံးအကြံ ပြုနိုင်ရန်အလို့ငှာ စာအုပ်စာပေတို့ကို လေ့လာ၏။ ထို့ကြောင့် ပင်လျှင် ကျွန်တော်ကိုယ်တိုင်ရွေး၍ ကျွန်တော် ကိုင်ဆောင်ထားသော “ မင်းမကြောက်” ဟူသော ကလောင် လေး သည် ပင် စာမျက်နှာ ပေါ်မှ ပျောက်နေသည် မှာ ကြာခဲ့ ပြီ ဖြစ်၏။ နေ့စဉ်နှင့် အမျှ ကျွန်တော် ဖတ်မိ သမျှသည်လည်း မနေ့ကအထိ အချဉ်းအနှီးသာဖြစ်၏။ စိတ်ပေါက်ပေါက်ဖြင့် အကောင်းတကာ အကောင်းဆုံး တွေကို ရှာဖတ်၏ ။ ဒီနေ့ ဒီရက် မနက်ထမင်းစားပြီးချိန် ရောက်မှ ပင် ကျွန်တော် ရက်ပေါင်းများစွာ ရှာဖွေနေ သော အရာသည် တွေ့ရပြီ ဖြစ်၏။

ရှေးဦးစွာ ဒီစာကိုဖတ်မိသူအားလုံးအား အနူးအညွတ်တောင်းခံလိုသည်။ ကျွန်တော် အကြံပြုလိုသော မောင် မင်းကြီး သားတို့သည် ကျွန်တော်အား မကျေမနပ်ဖြစ်၍ သတ်ပစ်ချင်လောက်အောင်ရှိသောကြောင့် ကျွန် တော်ပြောပြလိုသော်လည်း လက်ခံကြမည်မဟုတ်ပေ။ သို့ဖြစ်ပါ၍ ဒီစာကို ရလျှင်ရခြင်း ချက်ချင်းမနှေး အ ပြေးသွား၍ မောင်မင်းကြီးသားများအား ပြောပြပေးစေလိုသည်။

ဒီနေ့ဒီရက်ရောက်ကာမှ နောက်ကျပြီဟု မဆိုသာ။ သက်သေသာရကာ တိုိ့ကို ထောက်ပြ၍ ကျွန်တော်သည် စိတ်ကြီး ၀င် အရူးအကြောင်းကို ပြောပြအံ့ဟု အတွေးပေါက်၏ ။ လူတို့သည် မိမိကိုယ်ကိုယ် အထင်ကြီးစိတ် ဖြင့် ရူးသွပ်ခြင်းသို့ ရောက်တတ်ကြ၏ ။ ရူးသွပ်ခြင်း၏ အကြောင်းရင်းကား အဘယ်နည်းဟုဆိုသော် ကျွန်ုပ် ဖတ်ရသော စာအုပ်ကို မပြောပြပဲ စာအုပ်ပါ အချက်အတိုင်း ထောက်ပြ လတ္တံ့။ ရူးသွပ်ခြင်းကား အဘယ် နည်းဆိုသော အဆုံးမသတ်သည့် မေးခွန်းကို မည်သူမျှ ဖြေဆိုနိုင်မည် မဟုတ်။ ရူးသွပ်ခြင်း ဖြစ်ပေါ်နိုင်သော အကြောင်း အရင်းကား အမျိုးမျိုးရှိ၏။ ရူးသွပ်သူများထဲမှ တစ်ဝက်လောက်သည် ဦးနှောက်ပျက်၍ သော် လည်း ကောင်း၊ အရက်ကြောင့်သော်လည်းကောင်း၊ အဆိပ်အတောက်များကြောင့်သော် လည်းကောင်း၊ ဒဏ်ရာ ဒဏ်ချက်များကြောင့်သော်လည်းကောင်း ရူး သွပ်ခြင်းကို ဖြစ်စေ၏။ ကျန်တစ်ဝက်မှာမူကား တစ်စုံတစ်ရာ ချို့ယွင်းမှု မရှိဘဲနှင့် ရူးသွပ်လျှက်ရှိသည်ကိုတွေ့ရ၏။ ထိုဝေဒနာသည်များ အနိစ္စရောက်ကာမှ ဦးနှောက်ကို ထုတ်ယူ၍ အားအကြီးဆုံး ပိုးမွှားကြည့် မှန်ဘီလူးများနှင့် ကြည့်ရှုစစ်ဆေးရာ သာမာန် ကျွန်ုပ်တို့၏ ဦးနှောက် များကဲ့သို့ပင် လတ်ဆက်ကောင်းမွန်လျှက် ရှိကြောင်းတွေ့ရ၏။

အဘယ့်ကြောင့် ရူးသွပ်ရသည်ဆိုသော မေးခွန်းကို နာမည်အကြီးဆုံး စိတ္တဆေးရုံမှ ဆရာဝန်ကြီး တစ်ဦးက သေချာစွာ အဖြေမထုတ်နိုင်သည့် တိုင် အနီးစပ်ဆုံး ဖြေကြားပေးထား၏ ။ ရူးသွပ်သော လူတို့သည် မရူးသွပ် မီက မခံစားရသော မိမိကိုယ်ကို မိမိ အထင်ကြီးသော စိတ်ကို ရူးသွပ်သော အခါမှ ခံစားကြရ၏ ဟုအဆိုရှိ ၏။

၎င်းဆရာဝန်ကိုယ်တိုင်က ....

“ ကျွန်ုပ်ထံတွင် လင်ယူမှားသော မိန်းမ လူမမာတစ်ဦး ဆေးကုနေတာရှိတယ်၊ လင်ယူတဲ့ အတွက် သူ့ကိုချစ် မယ့်လင်ရယ်၊ ရာဂ ငြိမ်းမှုရယ်၊ ကလေးရယ် ၊ ဂုဏ်ရယ် သူမျှော်လင့်ခဲ့ ပါတယ်။ သို့ပေမယ့် သူ့မျှော်လင့်ချက် တွေက အကုန်လွင့်စင်ကုန်တာပဲ၊ သူ့ယောက်ျားက သူ့ကိုမချစ် ၊ ထမင်းလက်ဆုံမစား၊ သူ့လင်နေတဲ့ အပေါ် ထပ်ကိုသွားပြီး သူကိုယ်တိုင်ခူးခပ်ကျွေးရတယ်။ သူ့မှာ ကလေးလဲ မရှိ ဂုဏ်လဲမရှိ ဒါနဲ့ သူရူးပါလေ ရော။ သူ့စိတ်ထဲမှာသူ့လင်ကို ကွာလိုက်ပြီး အပျိုဘ၀က သူ့နာမည်ပြန်ယူထားတယ်၊ သူ့ကိုယ်သူ မှူးမတ် တစ်ဦးနှင့်  အိမ်ထောင်ပြုဖက်လို့ ယုံကြည်နေပြီး လေဒီဆမစ် လို့အခေါ်ခိုင်းတယ်။

ကလေး ကိုဘယ်လောက်လိုချင်သလဲဆိုရင် ညတိုင်းကလေးတစ်ယောက်မွေးနေတယ်လို့သူထင်နေတယ်။ သူ့အခန်းထဲကို ကျွန်ုပ်ဝင်သွားတိုင်း “ ဆရာမနေ့ညက ကျွန်မ ကလေးတစ်ယောက်မွေးတယ်” ဟု ဆီးပြော တယ်” ဟု ဆ၇ာဝန်ကြီးက ဆို၏။ ထိုဝေဒနာရှင် အမျိုးသမီးသည် လူကောင်းဘ၀က မရခဲ့သော ပျော်ရွှင် မှု များကို အရူးဘ၀ရောက်မှ ခံစားနေရ၏။ ထို့အတွက်ကြောင့် ဆရာဝန်ကြီးက “ ကျွန်ုပ်လက်ကို ဆန့်လိုက်ရုံ မျှဖြင့် သူရူးသွပ်သွားတဲ့ ဝေဒနာကို ပျောက်စေနိုင်မည် ဖြစ်သော်လည်း ကျွန်ုပ်သည် ပျောက်အောင်မလုပ် ပေးလို၊ ယခုအတိုင်း သူသည် ပို၍စိတ်ချမ်းသာသည် ” ဟုပြောသည်။

ဤသာဓကတွင် ဝေဒနာသည် အမျိုးသမီးအား ကျွန်ုပ်တို့၏ မြန်မာဆိုရိုးစကားဖြင့် ဆိုရသော် “ လင်ဒရူး” ဟုခေါ်ဖွယ်ရှိ၏ ။ မိမိကိုယ်ကိုယ် အထင်ကြီး၍ မျှော်မှန်းသလို ဖြစ်မလာသော အခါတွင် ရူးသွပ်သွားသော အခါမှစိတ်ချမ်းသာ ပျော်ရွှင်နေသည့် အရူးအား မကုသပဲ ဒီအတိုင်းထားသော် သင့်တော်ပါ၏ ။ ဤသာဓ ကအားဖြင့် ကျွန်ုပ်သည် နိုင်ငံခေါင်းဆောင်များ၏ အရူးထမှုအကြောင်းကို စဉ်းစား၏။ ပုံမှန်အားဖြင့် အကြီးဆုံး ဗိုလ်ချုပ်မှုးကြီး မှအဆင့်ဆင့်သော ဗိုလ်များသည် စိတ်ကြီးဝင် အာဏာရူးရောဂါ စွဲကပ်နေပြီကို သတိချပ်မိ၏။ HIVလိုရောဂါမျိုးသည် ပိုးမွှားဖြစ်၍ မှန်ဘီလူးဖြင့် ကြည့်ကမြင်နိုင်သော်လည်း စစ်ဗိုလ်ကြီးများတွင် စွဲကပ်နေ သော အရူးရောဂါမှာ ပိုးမွှားကောင်မဟုတ်သည့် အတွက် မှန်ဘီလူးဖြင့်ကြည့်၍ကား ရမည်မဟုတ်။ စိတ်တွင်စွဲကပ် နေသာ “ ငါမှငါ ၊ ငါသာ အာဏာနှင့်ထိုက်တန်သည်၊ ငါသာ တိုင်းပြည်ခေါင်းဆောင်လုပ်မည်” ဆိုသော စိတ် ရူးဖြစ်၏ ။ “ လင်ဒရူး “ မှာ သူတစ်ဦးတည်း ရူးနေခြင်း ဖြစ်၍ ကုသခြင်းမပြုပဲ သူ့အားစိတ် ချမ်းသာစေလို၍ ထားသော် ရကောင်း၏ ။ အာဏာရူးကိုကား ဒီအတိုင်း သူပျော်ရွှင်နေပါသည် ဟု ထားမည် ဆိုက မသင့် တော် ကြောင်း သင်လည်း အသိပင်ဖြစ်၏။ လူအသက်ပေါင်း များစွာအတွက် အန္တ ရာယ်ကြီးမား လှ သောကြောင့် ဤ သို့သော စကားမျိုးကို ရှည်လျှားစွာ ကိုးကား၍ ပြောနေခြင်း ဖြစ်၏။ သူတို့သည် စစ်သား ဘ၀လောက်က ပုံမှန် လူကောင်း ဖြစ်တန်ရာ၏။ 

မထိုက်မတန် မင်းအာဏာကို ဆက်ခံပြီးသောအခါ တွင်မှ စိတ်တို့သည် ပုံမှန်မဟုတ်တော့ပဲ ရူးသွားခြင်း သာ ဖြစ်နိုင်၏ ။ ကျွန်တော်ကိုယ်တိုင် တွေ့လျှင်ပင် “ လက်ညှိုးငေါက်ငေါက် ထိုး၍ သင့်တွင် အာဏာရူးရောဂါ ရှိ/ မရှိဟု ” တရားနာ ပရိတ်သတ်အား ဆရာတော်များ က တရားကိုသိစေခြင်း အလို့ငှာ ဒေါပါပါ မာန်ပါပါ နှင့် မေးပုံမျိုး မေးလိုက်ချင်၏။ အမှန်ကို အမှန်အတိုင်း ၀န်ခံမည်ဆိုကား “ ရှိ ” ဟုသာ အဖြေထွက်လာမည်ဖြစ်၏။ ဤ ရောဂါသည် ပိုးမွှားမဟုတ်သော်လည်း ကူးဆက်လွယ်၏ ။ ခွေးသာသာရှိသည် မြေးပေါက်စ ကိုပင်လျှင် အာဏာရူးရောဂါ စွဲကပ်တော့မည်ကို သတင်းများ အရ ပြောနိုင်ပါ၏။ သို့ဖြစ်သောကြောင့် ကုမည်ဆိုက လည်း တစ်ဦးချင်းစီကို ကုသပေးရုံမျှဖြင့် မရသေးချေ။ မျိုးလိုက်ရိုးလိုက် စိတ္တဆေးရုံသို့ ပို့ရမည်သာ ဖြစ် ကြောင်းထပ်မံ အကြံပြုလိုသေး၏။ မြန်မာပြည်တွင် ကုသမည်ဆိုက ရွာသားကြီး အရူးထောင် စိတ္တဆရာ ၀န် များထံတွင် ကုသ၍ ရနိုင်၏။ သို့ သော် ၎င်း ပုဂ္ဂိုလ်များ တွင် “ ပြည်ပ အားကိုး ပုစိန်ရိုး ” ဟု ခေါ်တွင်နိုင်သော ရောဂါ တစ်စုံတစ်ခု ဖြစ်လျှင် တိုင်းတစ်ပါးသို့ သွားရောက်ကုသလိုသော ဆန္ဒသည်လည်း ပြင်းပြ၏။ ထိုတစ် ချက်ကိုတော့ အလိုလိုက်သင့်၏။ 

နိုင်ငံတကာတွင် ရှိသော အကောင့်တကာ့ အကောင်းဆုံး စိတ္တဇ ဆေးရုံသို့ပို့၍ ကုသပေးရမည်ဖြစ်၏။ တိုင်း သူပြည်သားများအနေဖြင့် ရည်ရှည် အကျိုးကို မျှော်ကိုးသည် ဆိုက တိုင်းပြည် စီးပွား ကုန်ချင်သလောက်ကုန် အကုန် အကျခံ၍ ကုသပေးသင့်၏။ သို့မဟုတ်က တစ်မျိုးလုံး အမျိုးတုန်းနိုင်၏ ။ ကျွန်ုပ်၏အကြံပြုချက်ကား အကိုးအကားအထောက်အထား ဖြင့် သင့်တော်လှ၏ ။ မယုံမကြည် ရှိ၍ မဟုတ်သုတ်ခ ဗေဒင်မေးဦးမည် ဆို က အနည်းဆုံး ဆန်နှစ်လုံး ( နို့ဆီဘူးနှစ်ဘူးခန့်)ကုန်နိုင်သေး၏ ။ ကောင်းသောအကြံကို လက်ခံ၍ ကုသမည် ဆိုက တိုင်းပြည်စည်းစိမ် ရှိသမျှဖြင့် အကုန်အကျခံ၍ ကုသပေးနိုင်သော်လည်း အလဟဿ ဆန်နှစ်ဘူး အတွက်တော့ အလွန်နှမြောမိ၏။ ယုံယုံကြည်ကြည်ဖြင့် လိုက်နာစေလို၏ ။ အကောင်းဆုံး စိတ္တဆေးရုံကို ညွှန်ကြားပေးကြရန် မေတ္တာ ရပ်ခံပါ၏ ။ တိုင်းပြည်နှင့် လူထုအကျိုးအတွက် လုပ်သင့်လုပ်ထိုက်တာကို လုပ် ကြလော့ ။ ကူညီကြလော့ ။ မနှေးအမြန် စိတ္တဆေးရုံသို့ ပို့ရန်လောက် သာတိုက်တွန်းနိုင်၏။

မေးကိုလက်ခံရှိသော မိတ်ဆွေအပေါင်းတို့က အာရူးများအား အကြောင်းကြား၍ အားလုံးတစ်စုတစ်စည်း တည်း ကုသကြစေ။ လေယဉ်လက်မှတ်အတွက် ကုလသမဂ္ဂမှ စပွန်စာပေးမည်ဖြစ်သည်။

အခုမှ တဖန် ပေါ်လာပြန်သော ပျောက်ဆုံးနေသည့်  မင်းမကြောက်